Azərbaycan Səmti Müəyyənetmə Federasiyası

   Səmti müəyyənetmə idmanının əsas vasitələrindən biri xəritədir. Bu tip idman xəritələri hərbi topoqrafik xəritələrdən də dəqiq olur və özünəməxsus şərti işarələri ilə seçilir. Şərti işarələr xəritənin əlifbasıdır. Bu səbədən şərti işarələri bilmək xəritənin doğru-dürüst oxunmasına xidmət edir. 

   Beynəlxalq Səmti Müəyyənetmə Federasiyasının (IOF) Xəritə Komisiyası (Map Comission) yarış xəritələrinin rahat oxunması üçün Səmti Müəyyənetmə Xəritələrinin Beynəlxaq Spesifikasiyasını (ISOM) tərtib etmiş və hər bir şərti işarəni məntiqə uyğun qruplaşdırmışlar.

   Məzmununa görə şərti işarələr təbiətdəki rəngləri də nəzərə alınaraq aşağıdakı qruplara bölünür:

• relyef (qəhvəyi)

• qaya və daşlar (qara)

• hidroqrafiya (göy)

• bitki örtüyü (yaşıl çalarları, narıncı çalarları)

• süni obyektlər (əsasən qara)

• məsafə işarələri (çəhrayi)

• texniki işarələr (qara, göy)

 

* aşağıda qaçış xəritələrinin şərti işarələri verilmişdir. Sprint və xizək xəritələrin bir qədər özünəməxsus fərqli şərti işarələri vardır. Bu şərti işarələrlə aşağıdakı keçidlərdə tanış olmaq olar.